Guðrið á stóra palli
Skriva tann 06.08.2010

Guðrið Hansdóttir er komin langt við sínum tónleiki seinasta árið, og hetta hevur eisini við sær, at hon fyri fyrstu ferð skal spæla á stóra palli á Summar Festivalinum.

- Guðrið Hansdóttir hevur fleiri havt framførslur á Summar Festivalinum, og í fjør hevði hon eina framúr góða konsert. Hon hevur eisini verið uttanlands og spælt, og tí halda vit, at tíðin er komin til, at Guðrið Hansdóttir spælir á stóra palli á Vágsbøi, sigur Steintór Rasmussen, sum er ein av fyriskiparunum av Summar Festivalinum.

Guðrið Hansdóttir hevur givið tvær fløgur út, og fleiri av hennara sangum er blivnir væl kendir millum fólk.